Policia ka dhënë detajet e ndalimeve dhe arrestimeve të të kërkuarve për vepra të ndryshme gjatë 24 orëve të fundit në Tiranë.
Mësohet se, Një 27-vjeçar, i identifikuar si Xhevahir Palushi u ndalua në rrugën “Kosova” Kamzë pasi Gjykata e Apelit Tiranë, e ka dënuar më 3 vjet e 4 muaj burg, për veprën penale “Vjedhja me dhunë” e mbetur në tentativë.
Në vitin 2016, dyshohet se ka tentuar të vjedhë me dhunë një dyqan në Kamzë.
Ndërkohë, nga Forcat e Posaçme “Shqiponja” në bashkëpunim me DVP Vlorë, u bë kapja dhe ndalimi i shtetasit M. A., 31 vjeç, pasi Gjykata e Rrethit Vlore ka caktuar masën e sigurisë “Arrest në burg” për veprën penale “Vjedhje me dhunë”. Ky shtetas ka tentuar të vjedhë me dhunë një pikë këmbimi valutor.
Specialistët e Seksionit për Hetimin e Trafiqeve të Paligjshme në DVP Tiranë, bënë kapjen dhe ndalimin e shtetases A. H(N)., 29 vjeçe, sepse Gjykata e Rrethit Gjyqësor Tiranë, e ka dënuar me 2 muaj burg, për veprën penale “Prostitucioni”.
Ndërsa në pranga ra një 35-vjeçar, i identifikuar me inicialet N. A., pasi ka vjedhur një shumë parash në biznesin e shtetasit I. J.
Specialistët për Hetimin e Krimit në Komisariatin e Policisë Nr. 4 bënë arrestimin në flagrancë për veprën penale “Vjedhja” e mbetur në tentativë, të shtetasit A. H., 25 vjeç, pasi u konstatua brenda shtëpisë të shtetasit R. K.
Nga specialistët e Qarkullimit Rrugor u bë arrestimi në flagrancë të shtetasve:
N.D., 34 vjeç, i cili u kap duke drejtuar mjetin pa lejen përkatëse;
P.D., 40 vjeç, i cili u kap duke drejtuar mjetin në gjendje të dehur.
Ndërsa më datë 11.08.2021, u referuan materialet në Prokurorinë pranë Gjykatës së Shkallës së Parë Kavajë, për shtetasin L. A., 26 vjeç, pasi gjatë një konflikti për motive të dobëta, ka goditur me mjete të forta shtetasit S. E dhe R. E (babë e bir).
Më datë 11.08.2021, gjatë natës, në rrugën “Komuna e Parisit”, kanë vjedhur një shumë parash dhe disa sende me vlerë në banesën e shtetasit A. C. Punohet për identifikimin dhe kapjen e autorit.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
