“Hallexhinj jemi të gjithë shoku Rama” Këngëtarja e njohur mesazh publik kryeministrit: Unë i dhashë dhe votën

Arti është një nga fushat më të goditura nga pandemia.

Kjo ndodhi pasi për shkak të masave parandaluese, aktiviteti artistik u pezullua tërësisht

Ndërkohë në lidhje me këtë temë ka folur dhe këngëtarja e njohur Blerina Balili.

Kjo e fundit u shpreh se dhe ajo është prekur nga ky fenomen, por sikurse dhe artistët e tjerë, nuk ka gjetur mbështetje te kryeministri Edi Rama.

“Ne na ka dëmtuar jashtë mase korona dhe shoku Edi Rama nuk na u përgjigje, na u përgjigje shumë ashpër kur të kërkuam dhe ne si gjithë të tjerët. Na the rrini në shtëpi, por kemi dhe ne halle, familje, kupton. Siç ke ti zotëri. Por the ju keni të na jepni dhe neve, jo t’iu japim ne juve.

Përderisa unë paguaj taksa çdo muaj jam brenda rregullave zotëri, kështu që duhet të paguash sepse mora një refuzim shumë të madh. Edi Rama unë të dhashë dhe votën, jo për gjë. S’kisha votuar kurrë. Të paktën të përgjigjesh për nevojat e popullit, jo për disa, por për të gjithë, sepse familje dhe hallexhinj jemi të gjithë shoku Edi Rama,” tha këngëtarja për programin “Ora Verore”.