“E mbështeska dhe qeveria gjermane” Rama reagon për ‘Ballkanin e Hapur’: Nuk rrimë dot të presim

Në lidhje me debatin mbi nismën “Ballkani i Hapur” që nisi si “Mini Shengeni Ballkanik” , kryeministri Edi Rama ka reaguar sërish.

Ai thekson se mbështetëse ndaj këtij projekti është dhe qeveria gjermane.

Dhe përveç entuziazmit mbi atë që thotë se projektin e mbështet edhe Qeveria gjermane, Rama nuk lë mënjanë arrogancën ndaj liderëve politikë, në Shqipëri dhe Kosovë, që kundërshtojnë një nismë të tillë.

“Open Balkan thotë qeveria gjermane duhet të jetë gjithëpërfshirës dhe po, patjetër, kështu duhet të jetë e ndaj dera është e hapur, por as nuk përfshijmë dot kënd me zor, as nuk rrimë dot të presim sa t’u mbushet mendja atyre që s’duan të kuptojnë se kjo është rruga e të ardhmes!

“ÇUDI”! Qeveria gjermane e mbështeska Open Balkan ndryshe nga çfarë u thuhet njerëzve në Prishtinë e Tiranë prej atyre që s’pyesin për Amerikën dhe jo vetëm kaq, po kërkon nënshkrimin urgjent të marrëveshjeve për Tregun e Përbashkët Rajonal para Samitit BE-Ballkan në 6 tetor!”, shkruan Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern