Gazetarja në “qiellin e shtatë”, binjaket festojnë një mujorin, Vasili publikon videon e vajzave

Një muaj plot lumturi për Eni Vasilin pranë vogëlusheve të saj. Ditën e sotme, Nikol dhe Sofi festojnë një muajorshin e ardhjes në jetë. Me këtë rast gazetarja vendosi që të publikojë në rrjete sociale një video të realizuar nga festa e organizuar në shtëpi për të dyja bebet.

Ngjyra rozë mbizotëron jo vetëm në tortë por edhe në detajet e festës. Në videon e postuar shihen disa poza mjaft të bukura të vogëlusheve si dhe një foto e gazetares me vajzat.

Me këtë rast, Eni tregoi edhe format e saj trupore se si duket një muaj pas lindjes. Ajo shfaqet e veshur me një këmishë ngjyrë të bardhë të gjerë dhe me një palë streçe të zeza.

Gazetarja u bë nënë për herë të parë në 6 korrik të këtij viti, duke sjellë në jetë dy binjake.