“Dëgjohet muzikë dasmash dhe zëra njerëzish” Ky është pylli i ‘pushtuar’ nga shpirtrat, një atraksion për turistët (VIDEO)

Në mediat kosovare po qarkullon një lajm sa frikësues aq edhe i çuditshëm.

Bëhet fjalë për banorët e fshatit Pleshinë në Ferizaj të cilët besojnë se pylli i tyre është pushtuar nga shpirtrat.

Besnik Reka, njëri prej banorëve ka rrëfyer disa episode të pazakonta.

Sipas tij, banorët që kanë dalë për të ecur nëpër male, kanë dëgjuar muzikë dasmash dhe zëra njerëzish përveç tyre.

Më tej, ai thotë se një natë, një djalë i vogël i cili kishte dalë për të ruajtur delet me xhaxhanë e tij ishte zhdukur.

Këto histori kanë nxitur edhe më shumë kureshtjen e qytetarëve, të cilët kanë nisur që ta vizitojnë zonën me shpresën se do të shohin ndonjë dukur të mbinatyrshme.