Tjetër ngjarje e rëndë në Greqi/ Udhëtoi nga Athina në Larisa, burri ekzekuton gruan në lokalin e vëllait

Një ngjarje tronditëse ndodhi sot në Larisa të Greqisë.

Burri qëlloi për vdekje me 8 plumba bashkëshorten.

Krimi u shënua në një tavernë të një zone rurale, e cila ishte në pronësi të vëllait të viktimës.

Autori kishte udhëtuar nga Athinë.

Sipas mediave greke, raportohet se gruaja kishte kërkuar ndarjen dhe çifti ishte në proces divorci. Një prej pjesëtarëve të ekipit që po merret me ekzaminimin e trupit të viktimës deklaroi se ajo u qëllua në këmbë, gjoks dhe kokë.

Plumbi që ka marrë në kokë ka qenë fatal për të.

Vassilis Letsios tha se 43-vjeçarja ishte kthyer në fshatin e saj 4- 5 muaj më parë për të ndihmuar në biznesin e vëllait të saj, i cili pas problemeve me shëndetin ndodhet në një qendër rehabilitimi.