Po peshkonte me gjenerator në Drin, humb jetën 56-vjeçari

Një 56-vjeçar ka humbur jetën, ndërsa po peshkonte me gjenerator në lumin Drin në Bulqizë.

Ngjarja ka ndodhur në vendin e quajtur ”Tre Çezmat” tek zalli i Bulqizës teksa viktima ra në kontakt me rrymën elektrike.

NJOFTIMI NGA POLICIA

Bulqizë/informacion paraprak

Rreth orës 18.30, është dërguar në spitalin e Bulqizës pa shenja jete shtetasi R. M., 56 vjeç, i cili paraprakisht dyshohet se duke gjuajtur peshk në lumin Drin, ka rënë në kontakt me rrymën elektrike dhe për pasojë ka humbur jetën.

Grupi hetimor vijon hetimet për zbardhjen e rrethanave të ngjarjes.