Shqipëria po ‘digjet’/Haki Çako: Disa njerëz djegin shkurre dhe flakët dalin jashtë kontrollit

Prej gati një jave vendi ynë është përfshirë, nga veriu në jug nga zjarret masive, të cilat nuk po vihen dot nën kontroll nga autoritetet.

Kreu i Emergjencave Civile, Haki Çako, i cili tha se në Vlorë situata është më serioze, ndërsa lidhur me shkakun e zjarreve, Çako tha se ka disa, si nga temperatura e lartë, por edhe nga pakujdesia e njerëzve.

Haki Çako për News 24: Gjithë Ballkani është përfshirë nga temperaturat shumë të larta, të ardhura nga Afrika. Janë disa qarqe me problematika. Vlora, Fieri, Gjirokastra dhe Berati, por Vlora është më serioze, në Karaburun mbi fshatin Dukat. Strukturat janë të gjitha të mobilizuara. Po punohet intensivisht, është një punë e vështirë. Në vend deri më tani nuk ka pasur dëme serioze në banesa apo jetë të humbura. Bilanci paraprak është operativ, sipërfaqe të konsiderueshme të Karaburunit. Në vijimësi do bëhet një vlerësim i plotë. Jemi në kontakt me partnerët tanë për të na mbështetur pasi kërkohet ndonjë ndihmë më e madhe kryesisht nga ajri. Në orën 21:00 do të ketë një mbledhje të shtabit të Emergjencave Civile ku do të ketë dhe vlerësim të situatës. Janë një sërë faktorësh që ndikojnë, disa të qëllimshme dhe disa prej temperaturave të larta. Njerëzit djegin shkurret dhe situata u del nga kontrolli dhe merr përmasa të mëdha.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern