LIGJET E BIZNESIT
Një 26-vjeçar shqiptar ka pëfunduar në Mbretërinë e Bashkuar pasi po punonte në një fermë kanabisi në Hartlepool.
Sipas mediave britanike bëhet me dije se Armand Hajredini, një emigrant shqiptar, denoncoi se e futën të ruante kanabis pasi e gënjyen duke i premtuar vend pune në ndërtim.
26-vjeçari duhet të kujdesej për 100 rrënjë kanabis me vlerë deri në 84,000 paund dhe këtë punë ai e bënte pa pagesë, teksa kishte marrë kërcënime ai dhe familja e tij që të mos linte punën.
Kur policia mbërriti në banesën në të cilën ndodhej Hajredini e gjeti atë në kopshtin e pasmë me çelësat dhe me një celular në dorë.
Gjykata mësoi faktin se ai nuk kishte asnjë dënim të mëparshëm dhe ai flinte në një shtrat të vetëm në kuzhinë. Ndërsa nga ana tjetër, avokatja e tij tha se 26-vjeçari shqiptar kishte mbërritur në Mbretërinë e Bashkuar me një kamion para pesë vitesh nga Franca, por ai i humbi të gjitha dokumentet e tij të identifikimit dhe punoi në juglindje të vendit në tregtinë e ndërtesave dhe në lavastovilje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjykatësi tregoi se ferma e kanabisit ishte një strukturë tejet e sofistikuar me llamba, kohëmatës dhe transformatorë me intensitet të lartë. Hajredini i tha një oficeri se ai kishte jetuar pranë Heathroë teksa iu tha se kishte punë në verilindje dhe ai udhëtoi me tren për në Neëcastle.
Ai tregoi se kishte kontaktuar me një person që më pas e mori me furgon dhe e dërgoi në banesën në të cilën duhet të ruante kanabisin.
Ndërsa avokatja e tij mbrojtëse tha: “Ky rast ngre çështje të skllavërisë dhe detyrimit modern. Ai është një i ri pa dënime të mëparshme, i cili përshkruhet si një i ri inteligjent që dëshiron të qëndrojë në këtë vend ligjërisht dhe të punojë dhe të fitojë në mënyrë të ligjshme.”
