Për herë të parë pas 25 prillit/ Ambasadorja Kim i shkon në zyrë Lulzim Bashës, ja çfarë pritet

Ambasadorja e SHBA në Shqipëri Yuri Kim ka shkuar në zyrën e kreut të PD Lulzim Basha rreth orës 13:00 për të zhvilluar një takim.

Pas mbledhjes pritet që të dy të dalin në një deklaratë për mediat.

Nuk dihet se tema e takimit mes diplomates amerikane dhe kryedemokratit. Takimi mes Yuri Kim dhe Bashës vjen pak ditë pas publikimit të raportit përfundimtar të OSBE-ODIHR mbi zgjedhjet, që sipas kreut të selisë blu konfirmoi se 25 prilli ishte një masakër elektorale.

Ndërkaq Yuri Kim tha se po mbahen shënime mbi raportin, duke nxitur institucionet të shqyrtojnë rekomandimet e tij për përmirësimin e zgjedhjeve. Vlen për tu theksuar se ky është takimi i parë mes tyre pas zgjedhjeve të 25 prillit.

Lulzim Basha është pyetur së fundmi nga gazetarët edhe mbi qëndrimet që do të mbajë për çështjen “Berisha”, që është shpallur “non grata” nga SHBA, për të cilën kryedemokrati ka deklaruar se do të shprehet në një moment tjetër.