La Forcat Speciale me ‘gisht në gojë’/ Përfundon aventura e të shumëkërkuarit në Tiranë, ja si e pësoi në fund

Drejtuesi i Benz-it që i iku policisë gjatë operacionit anti-drogë sot në Tiranë, është kapur pak më pas.

Operacioni u zhvillua në zonën e njohur si “Varri i Bamit” në kryeqytet.

Fillimisht makina luksoze me xhama të zinj ndalohet nga Forcat Speciale, të cilët i kërkojnë të hapin derën, por shoferi i jep gaz mjetit dhe largohet me shpejtësi duke rrezikuar jetën e tyre.

Mësohet se tre persona janë ndaluar nga ana e policisë, ndërkohë që një tjetër ka mundur që të arratiset.

Makina me ngjyrë të zezë ndalohet anës rrugës, dhe pavarësisht thirrjeve të vazhdueshme të efektivëve, nuk pranon që të kontrollohet, dhe më pas shkel gazin duke u larguar prej aty.

Teksa dështuan që të ndalonin objektivin, punonjësit e policisë kanë nxituar që t´´iu merrnin gazetarëve që u gjendën rastësisht aty telefonat.

Efektivët, disa prej të cilëve civilë kanë shtrirë në tokë gazetarin Ergys Gjençaj dhe e kanë mbajtur për disa minuta të ndaluar, duke i marrë edhe telefonin.