Pozonte me kallashnikov në rrjete sociale, Policia arreston 17-vjeçarin

Armë, makina, femra e deri të droga, këto janë disa nga “pasionet” e të rinjëve të cilët preferojnë t’i ndajnë në rrjete sociale për pak klikime. Jeta e lluksit për një adoleshent duket maja e tij por shpesh vijnë edhe pasojat nga moskontrollimi i veprimeve.

Kështu ka ndodhur me një 17-vjeçar që publikonte fotografi me armë zjarri në rrjete sociale, i cili është arrestuar nga policia. I riu nga Kombinati, Tiranë,  realizonte imazhe me armë zjarri teksa i mbante në dorë dhe qëllonte në ajër.

Pas sinjalizimit të policisë, nga kontrolli i ushtruar, forcat blu gjetën një armë e ftohtë (thikë) dhe arma e zjarrit e llojit kallashnikov. Adoleshenti do të ndiqet penalisht për për veprat penale të “Armëmbajtja pa leje” dhe “Mbajtja pa leje e armëve të ftohta”.