Shoferin e zë gjumi/ Autobusi me shqiptarë del nga rruga

Një autobus me disa pasagjerë shqiptarë nga Maqedonia e Veriut i cili ishte nisur nga Gjermania drejt Strugës, ka dalë nga autostrada mëngjesin e sotëm dhe është përplasur pranë Nova Gradishkas të Kroacisë.

Shkak për këtë aksident të rëndë mësohet të jetë bërë pagjumësia e shoferit të mjetit. Pasagjerët thanë se shoferin e ka zënë gjumi dhe për pasojë autobusi ka dalë nga rruga duke u përplasur me barrierat e rrugës.

Si pasojë e përplasjes disa prej pasagjerëve kanë pësuar lëndime të lehta.