Dhe titulli shkon në Romë! Italia fiton Euro 2020 me penallti

Italia mund Anglinë dhe fiton Euro 2020. Pas penalltive me rezultatin 3-2, trofeu shkon në Romë.

Edhe pse u zhvilluan 120 minuta lojë, Italia dhe Anglia nuk arritën të përcaktonin fituesin, pasi koha e rregullt dhe shtesat përfunduan 1-1, derisa fatin e finales së Euro 2020 e përcaktuan penalltitë.

Tre Luanët e filluan takimin më mirë se që e kishin menduar, duke kaluar në epërsi me anë të Luke Shaw, që u asistua nga Kieran Trippier.

Ky gol i realizuar nga anëtari i Manchester United doli të jetë më i shpejti në histori të finaleve të Kampionateve Evropiane.

Në 45 minutat e dytë, Azzurët e filluan më mirë, duke bërë presion qysh në sekondat e parë.

Nga ky presion i lartë, italianët arritën që t’i barazonin shifrat në 1-1.

Ishte minuta e 67-të, kur nga një rrëmujë në zonën e anglezëve, Leonardo Bonucci u gjet mjaftë mirë, duke shënuar për 1-1.

Pas 55 vitesh pritje, anglezët shpresonin që futbolli të rikthehej ‘në shtëpi’. Por, pavarësisht se luftuan deri në fund, italianët i rrëmbyen kupën pikërisht nga shtëpia, nga Wembley i Londrës. Në kupën e kompeticionit më të rëndësishëm të Kontinentit të Vjetër tashmë u gdhend emrin i Italisë.

Pesë duelet e fundit mes Anglisë dhe Italisë:

2018 miqësore, Angli 1–1 Itali
2015 miqësore, Itali 1– 1 Angli
2014 Kupa e Botës, Angli 1–2 Itali
2012 miqësore, Angli 2–1 Itali
2012 Kampionat Evropian, Angli 0–0 Itali 2-4 me penallti.