Aksioni në Ministrinë e Brendshme/ Abuzuan me tenderin 25 mln euro, kush janë 8 zyrtarët e arrestuar (EMRAT)

Dalin emrat e zyrtarëve dhe ish-zyrtarëve të Ministrisë së Brendshme, ndaj të cilëve u lëshuan urdhër-arrestet në lidhje me tenderin e uniformave të Policisë së Shtetit, aksion ky i nisur nga SPAK.

Edlira Naqellari, Kreshnik Bejkaj, Ani Omuri, Klevis Hasani, Anisa Bogdani, Flutura Çekrezi, Fatmir Demneri, Mariglen Buzali, janë personat e akuzuar si të përfshirë në dhënien e tenderit korruptiv, sipas hetuesve të SPAK.

Ata janë zyrtarë apo ish-zyrtarë të MB, si dhe anëtarë të komisionit të vlerësimit për tenderin e uniformave, që kap vlerën e rreh 25 milion eurove dhe është zhvilluar një vit më parë.

Deri më tani janë ekzekutuar 8 urdhër-arreste, ndërsa janë kryer kontrolle në banesat e të akuzuarve.

Për personat e akuzuar, Prokuroria e Posaçme ka kërkuar masat e arrestit me burg dhe arrest shtëpiak, të miratuara nga Gjykata e Posaçme.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern