“Peshku qelbet nga koka” Dje Rama paralajmëroi ashpër kryebashkiakët, vjen reagimi i Bashës

Një ditë pasi kryeministri Edi Rama u bëri thirrje kryetarëve të Bashkive që ti japin fund praktikave korruptive me tenderat dhe prokurimet dhe të mos bëhen objekt i hetimeve të SPAK, ka ardhur dhe reagimi i liderit të PD Lulzim Basha.

Ky i fundit shprehet se qytetarët e dinë “që Rama në qeveri është më i dëmshëm se “Ramët” e emëruar prej tij në bashkitë e vendit”.

Teksa kujton shprehjen se “peshku qelbet nga koka”, Basha thotë se ajo që është e qartë për qytetarët ëshë se “ky regjim është i korruptuar deri në palcë”.

REAGIMI I PLOTE:

Shqiptarët e dinë që Rama në qeveri është më i dëmshëm se “Ramët” e emëruar prej tij në bashkitë e vendit. Dy gjëra janë të qarta, së pari që ky regjim është i korruptuar deri në palcë dhe së dyti që PESHKU QELBET NGA KOKA