E pazakontë/ Gruaja tha se ishte sëmurë dhe nuk shkonte dot në punë, pronari i kompanisë nuk i beson syve nga ajo që sheh në TV

Një ngjarje e pazakontë cilësohet ajo që ka ndodhur së fundmi në Angli.

Bëhet fjalë për një tifoze futbolli e cila u shtir si e sëmurë për të parë ndeshjen Angli-Danimarkë në “Euro 2020”.

Por pasi punëdhënësi i  saj e pa në televizor, e pushoi nga puna.

Sipas mediave të huaja, prodhuesja e përmbajtjes dixhitale, Nina Farooqi, 37-vjeçare, bëri sikur ishte e sëmurë në mënyrë që të udhëtonte nga Ilkley, në perëndim të Yorkshire, në Londër për gjysmëfinalen në Wembley.

Ajo tha se shoqja e saj kishte fituar bileta të minutës së fundit përmes një votimi, dhe se kompania e saj nuk kishte gjasa t’ia jepte asaj pushim, për shkak të numrit të vogël në staf.

Si një tifoze e zjarrtë e futbollit, mundësia ishte shumë e mirë dhe asaj iu desh të kapte një tren mesdite nga Leeds për në Londër, për të arritur në kohë për ndeshjen e së mërkurës në mbrëmje.

Por skenat të Ninës dhe shoqes së saj duke festuar golin e barazimit të Anglisë u shfaqën në transmetimin e drejtpërdrejtë të BBC-s për pesë sekonda, dhe u mor shpejt nga transmetuesit në të gjithë botën.