Do ishte transmetuar LIVE! Rama ishte nisur për në Lushnje ta takonte Fatos Tushen, kur Garda mësoi aksionin e SPAK për arrestimin

Nëse garda e kryeministrit Edi Rama nuk do ishte njoftuar në kohë për aksionin e SPAK, me shumë mundësi do e kishim parë LIVE arrestimin e kryebashkiakut të Lushnjes Fatos Tushe.

Por si? Rastësia e donte që në të njëjtën ditë, pranë Lushnjes u pa duke kaluar edhe eskorta e kryeministrit Edi Rama.

Gazetarja Klodiana Lala shkruan se Rama atë ditë kishte vendosur për të zhvilluar një takim me Tushen, por plani i kthye kur Gardistët morën informacione lidhur me çfarë do të ndodhte.

“Garda zbarkoi dje ne mengjes ne Lushnje. Me vone, ne kete qytet do te mberrinte kryeministri. Se di nese z.Rama do te shkelte ne Bashkine e drejtuar nga Tushe. Por ndersa merreshin masa per sigurine e KM, gardistet pane sesi Lushnja u “pushtua” nga forcat speciale. Nje prej tyre informoi eproret per situaten. Policia arrestoi kryebashkiakun Tushe pas dyshimeve per abuzime me fondet e tenderit per pastrimin e kanaleve vaditese. KM nderkohe e kishte anuluar viziten… Me vone dihet. Edi Rama u distancua nga i zgjedhuri vendor. ps.anulimi i vizites nuk mu konfirmua zyrtarisht! Nese dikush di detaje lutet me te thote dicka me shume,”-shkruan gazetarja.

Tushe akuzohet nga SPAK për shpërdorim detyre, për një tender që ka lidhje me kanalet në dy fshatra të qarkut.