Nis gjysmëfinalja e kampionatit Europian mes Italisë dhe Spanjës

Ka nisur në Wembley klasikja e Europës mes Italisë dhe Spanjës, që luhet për një biletë në finalen e madhe të ‘Euro 2020’.

Dy trajnerët, Mancini për Italinë dhe Enrique për Spanjën, vijnë me ndryshime në formacion. Te ‘axurrët’ siç dihet nuk luan Spinazola për shkak dëmtimi, ndërsa vendin e tij e ka marrë Emerson. Në stol është ulur sërish Berardi, pasi Chiesa tashmë ka fituar statusin e titullarit.

Te Spanja ndërkohë befasi është ulja në stol e sulmuesit Alvaro Morata, që është zëvendësuar me Ferran Torres, ndërsa vendin e Sarabias të dëmtuar e ka marrë Dano Olmo. Nga minuta e parë si qendërsulmues fals do të luajë Oyrazabal.

Kjo ndeshje do të ndiqet nga rreth 60 mijë tifoz në stadium, ndërsa e njëjta shifër pritet të jetë edhe nesër kur të luhet gjysmëfinalja tjetër mes Anglisë dhe Danimarkës./shqiptarja