Aksident në mes të Fierit, dy të plagosurit dërgohen me urgjencë në spital

Një aksident ka ndodhur pasditen e kësaj të diele në Fier në rrugën kryesore të qytetit, në lagjen “Konferenca e Pezës”, në afërsi të shkollës së muzikës.

Tre mjete janë përfshirë në aksident duke shkaktuar dëme të shumta materiale.

Ambulanca ka marrë 2 persona që kanë mbetur të lënduar, ndërsa raportohet, se gjendja e tyre është jashtë rrezikut për jetën.

Policia ndodhet në vendngjarje dhe po orienton trafikun e mjeteve të tjera që janë bllokuar.