U kapën me ‘mall’ në makinë/ Ja çfarë vendosi gjykata për policin dhe dy bashkëpunëtorët (EMRAT)

Sot Gjykata kundër Korrupsionit dhe Krimit të Organizuar ka vendosur të lërë në burg, efektivin e policisë Elefterios Sullaj.

E njëjta masë sigurie “arrest me burg” është marrë dhe ndaj dy bashkëpunëtorëve të tij.

Të tre u kapën me një sasi kokaine në makinë.

SI U BE ARRESTIMI I TYRE

Elefterios Sullaj, me detyrë oficer i patrullës së Përgjithshme në Komisariatin nr.2 u arrestua nashke me dy bashkëpunëtoret e tij,  Mikel Zhegu, i dyshuar për prodhim dhe shitje të lëndëve narkotike si dhe Eris Tafa, i cili akuzohet për largim të të burgosurit nga vendi i qëndrimit.

“U bë e mundur më datë 01.07. 2021 në orët e para të mëngjesit kapja në flagrancë në kryqëzimin e Rrugës së Kosovarëve e automjetit me targa AA 211 PX në drejtimin  e së cilës ishte punonjës i policisë Elefterios Sullajm efektiv në Komisiariatin e Policisë nr 2 Tiranë dhe pasagjer shtetasit Mikel Zhegu dhe Eris Tafa, ku ky i fundit është me masë sigurimi personal “arrest shtëpie”, tha policia ne njoftimin e dy diteve me pare.

Gjatë kontrollit në automjet u gjet dhe u sekuestrua një qese plastike transparente brenda se cilës kishte një sasi kokaine.

Ndërkohe SPAK regjistroi procedimin penal për rastin e policit, pas një hetimi disamujor.