Shkon në 486 numri i viktimave nga temperaturat ekstreme në Kanada 

Temperaturat ekstreme që kanë përrfshirë Kanadanë, deri më tani kanë shkaktuar 486 viktima. Mediat e huaja shkruajnë se temperaturat në disa qytete të vendit janë regjistruar deri në 49.6 gradë Celsius, e kjo është e pazakontë, për një vend i cili në pjesën më të madhe të vitit mbulohet nga akulli e dëbora.

Autoritetet shëndetësore, në daljet për mediat thonë se më shumë se çereku i viktimave janë shënuar në qytetin Vankuver. Sipas statistikave, vdekjet janë shtuar me gati 200% krahasuar me kushtet normale. Ndërsa nga krahu tjetër, i nxehti, ka shkaktuar qindra vatra zjarri.

Viktima po ashtu, janë shënuar edhe në SHBA, pasi i nxehti ka mbërthyer rajonet të cilat shtrihen përgjatë brigjeve të Paqësorit.

Në Shtetet federale të Uashingtonit dhe Oregonit, numërohen gjithsej 79 viktima gjatë këtyre ditëve, kur janë shënuar edhe nivele historike temperaturash që arrinin deri në 50 gradë Celsius.

Po ashtu edhe në Nju Jork, termometri ka regjistruar këto ditë 41 gradë Celsius.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern