Do të udhëtoni me avion drejt Greqisë? Ja dokumentet që duhet të keni me vete

Aeroporti i Rinasit “Nënë Tereza” ka nxjerrë sot njoftimin e rëndësishëm për të gjithë qytetarët shqiptarë që planifikojnë të udhëtojnë në Greqi.

TIA sqaron se të gjithë pasagjerët që do të shkojnë drejt Athinës dhe Kretës, duhet të plotësojnë formularin PLF 24 orë para udhëtimit, përndryshe nuk mund të nisen dot.

Pas kësaj, pasagjerët do të marrin një kod QR i cili do të përdoret nga Mbrojtja Civile Greke për të identifikuar testin “random Covid-19” pas mbërritjes.

Përsa u përket familjarëve nuk është e nevojshme që çdo person të plotësojë formularin, pasi mund të pranohen me vetëm një e-mail të përbashkët konfirmimi PLF dhe gjithashtu mund të pranohen me kodin e tyre unik PLF/QR.