Frika nga arrestimi/ Festim Lelaj u hodh nga ballkoni i shtëpisë sapo pa SPAK

Në super operacionin antidrogë, që po zhvillohet nga Anti-Mafia italiane, SPAK dhe Policia e Shtetit, ra në pranga edhe ish-nënkomisari i policisë së Fierit, Festim Lelaj.

Lelaj është hedhur nga kati i dytë i banesës, sapo ka parë efektivët e policisë dhe si pasojë ai ka pësuar fraktura në këmbë, ndaj është dërguar drejt Tiranës për ndihmë mjekësore.

Personat e arrestuar nga SPAK, në operacionin e trafikut ndërkombëtar të drogës, korrupsionit, abuzimit me detyrën dhe pastrimit të parave që po zhvillohet mes autoriteteve shqiptare dhe Antimafias Italiane, janë nisur drejt Tiranës.