Tmerri në Kanada/ Zjarri fshin nga harta fshatin që regjistroi temperaturën 49 gradë

Temperaturat e larta i kanë lënë vendin zjarreve të frikshme që kanë shkatërruar gjithçka që u ka dalë përpara, në zonën e Lytton në Kanada.

Këtë javë termometri  shënoi temperaturën 49 Celsius dhe raportohet se pothuajse 90% e fshatit tashmë është shkrumbuar dhe dëmet janë të pallogaritshme.

Edhe kryebashkiaku i Lytton shprehet se është një fat i madh që ka shpëtuar pasi për një kohë të shkurtër e gjeti veten të rrethuar nga flakët.

“Nuk do të mbetet shumë gjë nga Lytton. Zjarret janë anembanë”, tha kryebashkiaku Polderman.