U martua me shqiptaren/ Ftoi 1 javë miqtë në hotelin luksoz në Jug dhe nuk pagoi asnjë lekë, italiani reagon për herë të parë

Historia e italianit me çekun fallco ishte një nga ngjarjet që bëri më shumë bujë këtë javë.

Ai u akuzua se iku pa paguar shpenzimet e dasmës, duke i lënë pronarit çekun që nuk mund të kryente asnjë veprim.

Rasti i pazakontë u shënua në një hotel në Vlorë disa ditë më parë, ku italiani pasi organizoi ceremoninë “shik”, ia doli të ikte pa dhënë asnjë lekë.

Por, mësohet se shtetasi i huaj ka reaguar për herë të parë, duke i dërguar kështu 500 eurot e para pronarit të biznesit në Vlorë, pas publikimit të lajmeve në mediet shqiptare. Megjithëse kjo është një shumë e vogël në krahasim me atë që i takon në total, pra plot 5 mijë euro.