Si një film horror, peshkaqeni hidhet dhe kafshon parashutistin në këmbë

Ky parashutist sapo fitoi një jetë të dytë. Fatmirësisht ai arriti t’i shpëtojë vdekjes në Detin e Kuq kur u sulmua nga peshkaqeni.

Videoja e publikuar nga Daily Mail tregon 37-vjeçarin jordanez, i cili qëndron mbi ujë kur krijesa gjigante del nga uji dhe e kafshon në këmbë.

Ai është duke fluturuar mbi ujë me parashutën e tij, por kur afrohet në uje, peshkaqeni del në sipërfaqe dhe përpiqet ta tërheqë poshtë.

Fatmirësisht ai i shpëtoi tragjedisë, por u dërgua me urgjencë në spitalin Ushtarak Prince Hashem, Aqaba, ku iu nënshtrua një operacioni në këmbën e djathtë të dëmtuar.