“Nëna s’lejonte që të merrnin trupat”, gazetarja zbulon momentet e para nga ngjarja e Velipojës: Musaeni kishte shkuar në punë direkt pas maturës…

19-vjeçari Musaen Zeneli që humbi jetën në përplasjen me armë në Velipojë, kishte shkuar një ditë më parë në punë, nga e diela në të shtunë, menjëherë pas mbrëmjes së maturës.

Gazetarja Emi Kalaja tregoi në Opinion se:“Ai ishte i gëzuar që kishte gjetur punë, kishte shkuar menjëherë pas mbrëmjes së maturës, një ditë më parë sesa të niste të paguhej”, tha Kalaja.

Kur kanë shkuar në vendin e ngjarjes, tregoi gazetarja, kanë gjetur duke qarë me ngashërim, infermieret e qendrës shëndetësore në Velipojë, ndërkohë që babai i dy vëllezërve Gocaj qante dhe mbi të riun Zeneli, që kishte thënë se e kishte amanet.

“Nëna e dy djemve Gocaj nuk lejonte ambulancën që të merrte trupat e viktimave, babai i tyre qante dhe mbi trupin e Musaenit, që e kishte amanet pasi ishte rritur jetim”, tha më tej gazetarja.

Ajo tregon se Policia ka vonuar të paktën 40 minuta për të mbërritur në vendin ku ndodhi përplasja me armë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern