Shumë pak veta e dinin/ Ina Kollçaku i nënshtrohet operacionit, zbulohet gjendja e saj shëndetësore

Ajo është një nga vajzat më të njohura të ekranit.

Bëhet fjalë për Ina  Kollçakun, ish-konkurenten e “Përputhen 1”, sivjet pjesë e panelit të rubrikës “Rrethi Katror” në programin “E Diell”.

Ajo ka rrëfyer së fundmi se i është nënshtruar një ndërhyrjeje kirurgjikale urgjente, pasi në gjoksin e djathtë kishte konstatuar një masë tumoriale.

Lajmin e ka bërë të ditur vetë ajo, me anë të një bisedë në “Skype” me Edi Manushin. Fatmirësisht, operacioni ka shkuar me sukses dhe Ina është në gjendje të mirë shëndetësore.

“Nuk jam në spital kam dalë nga spitali. Një masë tumoriale në gjirin e djathtë e cila duhej të hiqej patjetër, nuk kishte mënyrë tjetër. Operacioni ishte urgjent, prandaj për këtë arsye javën që kaloi ju ishit në transmetim dhe unë isha një operacion. E përjetova shumë mirë, ndërkohë mjekët, të cilët ishin të dy shqiptarë kanë qenë të mrekullueshëm. Tani jam shumë mirë dhe mezi po pres të rifilloj jetën. Nuk ka të bëjë mosha fare, dhe një nga arsyet që une doja ta bëja publike ishte se doja të postoja disa video si të bëhen kontrollet nga vajzat dhe gratë dhe ti drejtohen kirurgëve për të tilla ndërhyrje.

Ose nëse kapen në kohë, ose më të vogla se imja, se unë e kisha 3 cm mund të trajtohen edhe me ilaçe. Kjo ishte një nga arsyet që unë kisha dhe doja ta ndaja eksperiencën. Tre ditë pas ciklit menstrual vajzat të kontrollojnë gjoksin. Nëqoftëse ndjejnë forma apo masa të shkojnë të bëjnë kontroll. Ose njëherë në gjashtë muaj të shkojnë të bëjnë kontroll që të parandalojnë në kohë”, ka treguar Ina.