LIGJET E BIZNESIT
Ish-kryeministri Sali Berisha, i apasionuar tashmë me rrjete sociale, ka nisur t’i përdorë të gjitha nga pak. Pas Facebook, Instagram dhe WhatsApp, ish-kryeministri ka zgjedhur të komunikojë me të njohurit e ndjekësit e tij edhe në “Telegram”. Lajmi ka marr jehohë për shkak të sigurisë që ofron ky aplikacion si dhe hyrjes së fundit në treg.
Ndryshe nga Whatsapp, “Telegram” lejon të kryhen biseda mjaft të sigurta, përmbajtja e të cilave mund të fshihet në mënyrë automatike jo vetëm nga celulari personal, por edhe nga celulari i kujt ka marrë mesazhin.
Telegram sinjalizon edhe nëse bashkëbiseduesi ka bërë një screenshot duke fotografuar ekranin dhe duke përdorur përmbajtjen për t’ja treguar personave të tjerë. Telegram konsiderohet një sistem bisede që nuk mund të përgjohet.
Nuk dihet nëse Berisha ka zgjedhur “Telegramin” për të kryer biseda të sigurta apo për t’iu bashkuar të njohurve të tij. Ish-kryeministri njihet për publikimin e mesazheve të shumta me karakter denoncues në rrjetet e tija sociale, të cilat i vijnë nga qytetarët.
