“Veliu për të shpëtuar veten do shkarkojë Brahimin”/ “Velipoja”, Gazetarja: Të hënën, RENEA, FNSH dalin në rrugë

Gazetarja Anila Hoxha në një shkrim në Facebook, tregon atë që pritet të ndodhë në polici, pas masakrës së Velipojës.

Sipas saj Ardi Veliu, për të shpëtuar veten e tij do të shkarkojë nga detyra Drejtorin e Shkodrës, Niko Brahimin. Më pas Veliu do të takohet me ministrin Çuçi e më pas RENEA, FNSH dhe forcat e tjera do të dalin në rrugë që ditën e hënën.

Reagimi i Anila Hoxhës:

Çfarë do ndodhë mbas masakrës së Velipojës?Veliu për të ruajtur veten, do shkarkojë Drejtorin e Shkodrës Niko Brahimi. Niko pas ca ditësh shkon drejtor tek mbrojtja e dëshmitarëve .Në Shkodër shkon me ceremoni solemne i komanduar ose nëndrejtori, ose ndonjëri afër rrethit te besimit.Veliun e thërret ministri, edhe pse ky i fundit ka ca krisje me të dhe nuk e ka shumë qejf. Veliu i tregon Çuçit që nuk e ka fajin policia dhe se nuk kishte informacion për konflikte. Të hënën, RENEA, FNSH dalin në rrugë, ca në male hashashi e ca ne qytetet e krimit. Mbas disa orëve show, do kapen ca pistoleta, ca makina pa letra. Me pas, dy tre shefa do lëvizen. Do bëhet mbledhje analitike në drejtori, zyra e shtypit exclusivisht përmes whatsappeve do shpërndajë fotot me mesazhet kundër krimit. Krimi do trembet nja 5 a 6 orë e do shmangë postblloqet që janë ngritur dhe… Kaq.