Detajet nga ngjarja në Velipojë/ Konflikti mes pronarëve për shezlongët

Zbulohen detajet e para nga ngjarja e rëndë në Velipojë, ku si pasojë e një konflikti me armë mbetën të vdekur 4 persona dhe u plagosën 2 të tjerë.

Nga të dhënat e para mësohet se ngjarja ka nisur pas një debati për shezlongët në plazhin e Velipojës mes pronarëve të restorantit “Fantazia” dhe pronarëve të hotelit “Gocaj. Pas debatit me fjalë Si pasojë e shkëmbimit të zjarrit kanë mbetur të vrarë Kujtim Ferracaku 59 vjeç, vëllezërit, Xhovani dhe Edmond Gocaj 25 dhe 38 vjeç dhe Myzerim Zeneli 20 vjeç, ky i fundit punonjës i shezlongeve.

Ndërsa të plagosur kanë mbetur Hasan Ferracaku 54 vjeç dhe Elmedin Tyli 17 vjeç, raportohet se 54 vjeçari është në gjendje kritike për jetën.

Policia ka shkuar në vendngjarje së bashku me forcat RENEA. I pranishëm ka qenë edhe drejtori i Përgjithshëm i Policisë, Ardi Veliu. Mësohet se policia ka sekuestruar pamjet filmike dhe po punon për zbardhjen e plotë të ngjarjes.w