4 jetë të humbura! Të shtrirë në tokë si të vdekur në mes të Tiranës, simbolika e fortë në protestën e të rinjve

Të rinj të shtrirë në tokë në rolin e të vdekurit, kjo ishte simbolika e fortë e protestës që u zhvillua sot para ministrisë së Brendshme në qendër të kryeqytetit, pasi një familje u shua në aksident.

Një çift bashkë me dy fëmijët e tyre në shenjë homazhi për viktimat e aksidentit ndezën qirinj para ministrisë së Brendshme.

“Një njeri që udhëton me 150-200 km/h në orë në një rrugë, sado që të jetë limiti i saj, mendoj se është vrasës potencial. Se ai nuk u aksidentua, por vrau, mori në qafë dikë tjetër. Ka diçka që nuk funksionon këtu. Ne shohim kudo policë, por këta njerëz e lëvizin me mbi 150 km në orë janë aktiv.”, tha një qytetar.

Ngjarja tronditëse ndodhi mëngjesin e sotëm, në zonën e njohur si “Zona e Kripës” në aksin Fier-Vlorë. “Audi” përplasi makinën e llojit “Toyota” dhe shkaktoi kështu vdekjen e katër anëtarëve të familjes Gushi nga Patosi, që kishin ardhur nga Greqia në Shqipëri për pushime.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern