Aksidenti që i mori jetën 4 anëtarëve të familjes Gushi, Igli Madani ishte proceduar më parë për aksident me plagosje (Sa vite burg rrezikon)

Igli Madani ishte shoferi i “Audi-t” që shkaktoi aksidentin tragjik në aksin Fier-Vlorë, ku humbën jetën 4 anëtarët e familjes Gushi, mes tyre edhe dy vajzat 9 dhe 14 vjeçe duket se është i njohur për Policinë e Shtetit.

Mësohet se 22-vjeçari ai ka marrë 8 gjoba, ku 4 prej tyre kanë qenë për parakalim të gabuar. Por nuk mbaron këtu! Ai ka 2 gjoba për mbajtjen e xhamace të zinj, 1 për tejkalim shpejtësie dhe një tjetër për aksident me plagosje. Po ashtu Madani është hetuar edhe për kanabis dhe përleshje fizike.

Për ngjarjen e sotme, i riu rrezikon të dënohet nga 5-20 vite burg, masë e parashtruar në Kodin Rrugor të Shqipërisë.

“Shkelja e rregullave të qarkullimit rrugor, kur ka shkaktuar plagosjen e rëndë të një personi, dënohet me burgim nga një deri në pesë vjet. Shkelja e rregullave të qarkullimit rrugor, kur ka shkaktuar vdekjen e një personi, dënohet me burgim nga dy deri në dhjetë vjet. Kur nga vepra penale është shkaktuar vdekja ose plagosja e rëndë e disa personave, dënohet me burgim nga pesë deri në njëzet vjet,”-shkruhet në Kod./dosja