LIGJET E BIZNESIT
Pas aksidentit fatal që ndodhi sot në mëngjes në aksin Fier-Vlorë ku humbën jetën katër anëtarët e një familjeje, në rrjetet sociale është thirrur një protestë para godinës së Ministrisë së Brendshme.
Qytetarë të shumtë kanë bërë thirrje që në orën 20:00, protesta të zhvillohet përpara dy ministrive dhe pjesëmarrësit do të shtrihen në rrugë njësoj sikur të ishin të vdekur.
“Te pakten per nje dite ti leme qoftet dhe birrat nga tendat tek sheshi “Skenderbej” dhe te transferohemi pak nga Min.Brendeshme dhe Min. Transportit. Ne shenje reagimi mbi aksidentet rrugore ne vend, te mblidhemi tek keto dy vende dhe te shtrihemi ne toke “si te vdekur” duke dhene nje mesazh sensibilizues mbi ngjarjet e fundit. Eshte momenti per te reaguar. Sot ne ate aksident mund te isha une, ti apo kushdo nga ne! Sot ora 20:00 duhet te jemi te gjithe bashke ne shenje proteste dhe ndergjegjesimi”, thuhet në reagimin e fuqishëm në rrjetet sociale.
Eduart Gushi, 44 vjeç, Silvana Gushi, 33 vjeç, Anastasia Gushi, 14 vjeçe, dhe Eva Gushi, 9 vjeçe ishin viktimat e një aksidenti të tmerrshëm mëngjesin e sotëm në aksin Fier-Vlorë, ku mjeti audi që drejtohej nga i riu Igli Madani i përplasi fuqishëm nga pas, duke shuar një familje të tërë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
