Makina luksoze në emër të babait biznesmen/ Shkaktoi aksidentin me 4 viktima, 22-vjeçari me shpejtësi ‘skëterrë’ ishte gjobitur disa herë për shkelje të rënda

Detaje të reja kanë dalë nga aksidenti fatal që i mori jetën 4 anëtarëve të familjes Gushi në aksin Vlorë-Fier.

Një makinë luksoze tip “Audi A8” u përplas me makinën e tyre tip “Toyota”.

Mësohet se po ky mjet që e drejtonte  22-vjeçari Igli Madani, kishte tre gjoba në historik, të marra për shkelje të rënda, parakalim të gabuar dhe kalim me semafor të kuq.

Të njëjtat burime bëjnë me dije se makina luksoze ishte në emër të babait të Iglit, biznesmenit Bashkim Madani.

Sipas informacioneve automjeti që drejtohej nga Igli Madani vetëm 22 vjeç, ishte me shpejtësi tepër të madhe në momentin që u përplas me makinën tip “Toyota” ku udhëtonte familja Gushi.  Shoferi i “Audit” mbeti i dëmtuar lehtë bashkë me pasagjerët Fabio Lamaj, 21 vjeç dhe 24-vjeçari Glorian Selimaj.