Aksident në Vlorë/ Shuhet familja me 4 anëtarë, të plagosur edhe 2 persona

Një familje e tërë është shuar pas një aksidenti tragjik automobilistik në Vlorë. Katër anëtarë të një familje, prindërit si dhe dy fëmijët kanë humbur jetën si pasojë e aksidentit i cili ndodhi mëngjesin e sotëm në aksin Fier-Vlorë.

Gazetari Enrik Mehmeti raportoi për “BalkanWeb” se viktimat ndodheshin të gjithë në mjetin tip “Toyota”, mes tyre dy edhe të mitur. Të plagosur kanë mbetur dhe dy persona të tjerë, drejtuesi si dhe pasagjeri i mjetit tip “Audi”.

Aksidenti ndodhi rreth orës 08:23, në autostradën Fier-Vlorë, në vendin e quajtur “Kripa”, ku një mjet tip “Audi” është përplasur me një mjeti tip “Toyota ”.

Në vendngjarje ndodhet grupi hetimor, i cili po kryen veprimet e mëtejshme për sqarimin e rrethanave të aksidentit, identifikimin e viktimave dhe të personave të plagosur.