Kampionati Europian/ Skuadrat dolën nga grupet, publikohet kalendari i ndeshjeve të 1/8

Në Kampionatin Europian faza e grupeve u mbyll me emocione të forta, me ndeshjet spektakolare Portugali-Francë dhe Gjermani Hungari, të cilat dolën të dyja me të njejtin rezultat 2-2.

Tashmë çiftet e 1/8 janë plotësuar dhe loja bëhet më serioze.

Në vijim do të ketë eleminime direkte në 90 minuta dhe nëse do të jetë e nevojshme 30 minuta shtesë dhe më pas penalltitë për të mësuar ekipin e kualifikuar.

Do të jenë sfida të zjarrta dhe do të luhen dy takime në ditë, në orën 18:00 dhe në 21:00 teksa përballja e parë do të jetë ajo mes Uellsit dhe Danimarkës të Shtunën më datë 26 në “Johann Cruyff Arena” të Amsterdamit.

Po në këtë ditë, në mbrëmje në orën 21:00 do të jetë radha e çiftit tjetër, Itali-Austri e cila do të luhet në “Ëembley” përpara 25 mijë tifozëve.

Në datë 27, të Dielën në orën 18:00 do të përballen Holanda dhe Republika Çeke,sfidë e cila është programuar për t’u zhvilluar në Budapest.

Në orën 21:00 të po të njëjtës ditë do të kemi edhe supersfidën e parë të 1/8, Belgjikë-Portugali e cila do të luhet sigurisht me tifozë në “La Cartuja” të Sevillas.

Në datën 28 Qershor, të Hënën do të jetë radha e takimit Kroaci-Spanjë në orën 18:00 e cila do të zhvillohet në Copenhagen dhe në orën 21:00 do të zbresin në fushë në Bukuresht Franca dhe Zvicra.

Më 29 Qershor, raundi i 1/8 do të mbyllet me dy sfida të rëndësishme. Superdueli Angli-Gjermani do të luhet në orën 18:00 në “Wembley” dhe në mbrëmje në Glasgoë takimi i fundit, Suedi-Ukrainë.