“Zgjedhjet e 25 prillit të anullohen” Jenishehri bën thirrjen në Kuvend: Ndryshe në shtator do përsëritet viti 1997

Deputeti i opozitës së re Selami Jenishehri nuk ngritur sot tonet në Kuvend duke bërë dhe një paralajmërim të fortë.

Ai ka deklaruar se zgjedhjet e 25 prillit duhet të shpallen të pavlefshme, pasi nuk u garantua vota e emigrantëve.

Ndër të tjera, ai shtoi se kjo situatë do të prodhojë Kuvendin e ri në shtator, në një situatë destabilizuese si ajo e vitit 1997.

“Me ligjin nr 118, të miratuar nga ky parlament duhet të bëheshin zgjedhjet e 25 prillit 2021 gjë që nuk ka ndodhur. KQZ ka refuzuar të bëjë detyrën e saj duke lënë pa votuar emigrantët. Kjo do të prodhojë në shtatorin e 2021 situatë destibalizuese si ajo e 1997.

Nuk ka parlament e qeveri legjitime. Shpresoj që presidenti nuk do i certifikojë zgjedhjet e 25 prillit 2021. Duhet të përsëritën zgjedhjet se është shkelur neni i kodit zgjedhor. Këto zgjedhje janë të pavlefshme kur shkelet neni dhe kodi zgjedhor”,-tha Jenishehri gjatë fjalës së tij.