Vijon përplasja e fortë/ Pas vendimit të Këshillit Bashkiak, Dritan Leli del me një tjetër reagim

Vijon përplasja e fortë mes anëtarëve të Këshillit Bashkiak dhe kryetarit të Bashkisë Vlorë Dritan Leli.

Ky i fundit ka bërë një tjetër lajmërim në rrjetet sociale pak minuta më parë, ku ka komunikuar datën kur do të mbahet mbledhja e rradhës pas annullimit të asaj të sotmes.

Kujtojmë se Dritan Leli dhe Këshilli Bashkiak kanë lënë dy data të ndryshme më 29 dhe 30 qershor.Leli shkruan se anulimi i mbledhjes së sotme nga anëtarët e Këshillit Bashkiak është i pajustifikuar.

Gjithsesi ai thotë se e ndien për detyrë ta thërrasë mbledhjen e muajit më 29 qershor.

Nga ana tjetër Këshilli Bashkiak e thërret mbledhjen më 30 qershor në mjediset e Teatrit ‘’Petro Marko’’.

Pas anullimit të pajustifikuar të mbledhjes së sotshme nga anëtarët e Këshillit Bashkiak, në emër të qytetarëve të Vlorës, e ndiej për detyrë të thërras mbledhjen e muajit në datën 29 qershor për të miratuar projektvendimet dhe ndihmat që banorët presin prej Bashkisë Vlorë dhe vazhdimësinë e projekteve të tjera.