Tensionohet situata/ Këshilli Bashkiak bën lëvizjen e rradhës ndaj Dritan Lelit, zbardhet kërkesa urgjente

Vijon situata e tensionuar mes kryetarit të Bashkisë së Vlorës Dritan Leli dhe Këshillit Bashkiak.

Ky institucion ka kërkuar mbledhje me prezencë fizike të anëtarëve dhe Lelit në ambientet e Teatrit “Petro Marko” më datë 30 qershor, në orën 10:00.

Mbledhjen e ka thirrur kryetarja e Këshillit Bashkiak.

Në rend dite është parashikuar:

Miratimi për dhënien e ndihmës ekonomike nga të ardhurat e bashkisë për muajin maj 2021
Miratimi për dhënien e ndihmës ekonomike nga fondi i kushtëzuar për muajin maj 2021.
P/V për “ Miratimin e listës për fëmijët e familjeve me probleme të thella socialekonomike që do të frekuentojnë çerdhet dhe kopshtet me drekë për një periudhë 6-mujore me të ardhurat e bashkisë”
P/V për “ Miratimin e listës së familjeve dhe individëve që përfitojnë banesë me kosto të ulët nëpërmjet subvencionimit të interesave të kredive nga buxheti i bashkisë Vlorë.

Ende nuk dihet se si do ti përgjigjet Dritan Leli kësaj ftese.