“Na ndoqi një motor deri në Sarandë” Incidenti në Himarë, personi që bëri videon rrëfen tmerrin që përjetoi me familjen

Pushuesi i cili filmoi pamjet ku një pronare hoteli në Livadh i zuri rrugën duke pretenduar se ai dhe familja i dëmtuan biznesin.

Ai quhet Visar Mato dhe ka deklaruar së fundmi se makina e tij është ndjekur nga një person me motor deri në komisariatin e Sarandës.

Në programin “Me Zemër të Hapur” Mato rrëfeu se gjatë rrugës për në komisariat, personi me motor të cilin ai nuk e njihte, i ka bërë me shenjë që të hapte xhamin e makinës dhe të ndalonte.

“Fëmija është trembur shumë. Nuk ka shkuar këto ditë në shkollë. Kërkon të rrijë me mua gjithë kohës. Dikush kërcënonte se kishte armë në brez. Na kanë ndjekur me motor deri në komisariat. Ne i hodhëm videot në Facebook. I bëmë videot private pasi arritëm në komisariatin e Sarandës. Këto video janë bërë nga brenda makinës time. Nëse ajo nuk donte që të dilte në kamera të mos dilte përpara makinës time. Ishin katër veta që na ndoqën. Një person që na ka ndjekur nga prapa deri në komisariat ishte një person me motor. Më kërkonte që të hapja xhamin e makinës dhe të ndaloja. Ndërsa një tjetër makinë me 4 persona na ka tentuar të na bllokojë rrugën. Unë iu shmanga. Frenova që ajo të na parakalonte” – tha Mato.

Gjithashtu Visar Mato deklaroi se nuk ka shkuar në atë hotel me qëllimin për të prishur imazhin e këtij biznesi pasi refuzon njohjen me pronaren.

“Zonjën nuk e kisha parë më përpara. Se kisha parë as në recepsion. Pretendimi i zonjës se unë kam shkuar qëllimisht për të prishur imazhin e hotelit është absurd. Të thuash që të shkosh dhe të djegësh çarçafin të jetë një çështje për prokurorinë. Unë isha për herë të parë për hotelin. Bashkëshortja ime e zgjodhi hotelin rastësisht. Unë jam një person që duke qenë biznesmen, kuptoj vështirësitë që ka një biznes në menaxhim. Duke parë problematika të tilla, nuk mund të gjesh një punonjës të saktë. Nuk janë problematika që mund t’i bëjnë publike” – tha Mato.