LIGJET E BIZNESIT
Historia e vrasjes së burrit me ngjyrë George Floyd në SHBA, duket se është përsëritur në Çeki.
Gjatë pamjeve të shpërndara në rrjet, shihet se një punonjës policie i vë këmbën në qafë një romi të quajtur Stanislav Tomas.
46 vjeçari nuk arriti të mbijetonte dhe ndërroi jetë në ambulancë teksa po transportohej në spital.
Anëtarët e komunitetit rom të vendit e kanë krahasuar atë me vdekjen e George Floyd, njeriu me ngjyrë nga Minneapolis në SHBA, i cili vdiq në duart e oficerit Derek Chauvin më 25 maj 2020.
Por, policia dhe qeveria çeke deri tani kanë mbrojtur veprimet e oficerëve dhe kanë refuzuar akuzat për brutalitet në rrjetet sociale, duke thënë se incidenti nuk është një ‘Floyd çek’.
Sipas autoriteteve, shkaku kryesor i vdekjes së romit ishte mbidoza, por organizatat e te drejtave rome thanë se incidenti tregon mënyrën tipike sesi ato trajtohen nga institucionet çeke.
Duke cituar “ngjashmërinë e dukshme” midis kësaj çështje dhe asaj të Floyd, anëtarët e Këshillit të Qeverisë Çeke për Çështjet e Pakicave , u bënë thirrje autoriteteve që t’i japin përparësi një hetimi të plotë për vdekjen e 46-vjeçarit.
