Iu kërkua llogari për huanë prej 15 mijë eurosh që iu kishte prindërve, ç’vendosi KPK për gjyqtaren e Tiranës

Komisioni i Pavarur i Kualifikimit, shpalli të mërkurën vendimin për konfirmimin në detyrë të gjyqtares së Gjykatës së Tiranës, Irena Plaku.

Gjatë seancës dëgjimore e cila u zhvillua të hënën më 21 qershor, gjyqtarja u përball me barrë prove mbi burimin e ligjshëm të të ardhurave të familjes së prindërve, të cilëve u kishte marrë 15 mijë euro hua për blerjen e një apartamenti në qytetin e Tiranës.

Sipas Plakut, hetimi i KPK ishte korrekt dhe objektiv, por theksoi se kishte paraqitur sqarime të plota dhe dokumente shtesë për të ardhurat e familjes së saj.

Procesi i rivlerësimit për gjyqtaren u krye nga trupi gjykues i KPK i kryesuar nga Genta Tafa (Bungo),  relatore Alma Faskajn dhe anëtari Lulzim Hamitajn.

Plaku përfundoi studimet në Shkollën e Magjistraturës në 2011-n dhe u emërua si gjyqtare në Gjykatën e Korçës. Që nga viti 2015, Plaku e ushtron funksionin në Gjykatën e Tiranës