“Çantën në krahë, pi kafe në lokal, kokrrën e qejfit… ” Vjollca thyen rekord audience, më shumë se 2 mln shikime në YouTube

Historia e borxhit midis Vjollcës dhe Zenunit në rubrikën “Shihemi Në Gjyq” tek “E Diela Shqiptare” ka thyer rekord klikimesh. Ndonëse kanë kaluar disa javë nga publikimi i këtij rasti, dy personazhet janë bërë mjaft të dashur dhe të njohur për publikun.

Video e programit të plotë i është shfaqur më shumë se 16.7 milionë personave në  YouTube.

Fjalët e thëna nga Vjollca për bashkëshortin  e sajdhe stilin e jetesës kanë frymëzuar qindra video në rrjetet sociale si Instagram, Facebook apo TikTok duke e kthyer në personazh të momentit.

Në YouTube janë më shumë se 2 milionë klikime në videot e këtij rasti në vetëm 3 javë.

Vjollca dhe Zenuni janë një çift bashkëshortësh që nuk jetojnë më bashkë dhe nuk i kanë marrëdhëniet e mira. Zenuni tregon se prej disa vitesh gruaja e tij është ndarë nga ai dhe se dy fëmijët nuk i flasin më.

Ai jeton i vetëm, në një shtëpi tejet të shkatërruar dhe të djegur dhe tregon që është në hall të madh. Ai kërkon që të bashkohet me Vjollcën.