Piloti grek Babis Anagnostopoulos që i mori jetën gruas së tij Caroline Crouch, vetëm 20 vjeç, në sy të foshnjes së tyre 11 muajshe, është shprehur sot në gjykatë se vrasjen nuk e kishte planifikuar.
Deklaratën 32 vjeçari e bëri para prokurorit, ku kërkoi falje duke u shprehur se me aktin që bëri, shkatërroi dy familje dhe të ardhmen e fëmijës së tij.
I riu u përpoq të hedhë poshtë provat në dosjen e çështjes që tregojnë se krimi ishte i planifikuar, e megjithatë nuk ka folur mbi motivet reale që e shtynë drejt kësaj vrasje të rëndë.
32-vjeçari i paraqiti një kërkesë hetuesit që të kryejë një ekspertizë për kamerën që u gjet brenda shtëpisë për të verifikuar se kur është hequr karta e memories.
Ai tha se e hoqi kartën e memories pas krimit dhe jo para tij dhe e ndau atë në copa dhe më pas e hodhi në tualet.
Babis ka kërkuar të thirren dëshmitar mes miqve dhe familjeve të çiftit për të folur në lidhje me marrëdhënien që ai kishte me 20-vjeçaren Caroline.
Kjo kërkesë është bërë për të mbështetur pretendimin se ai kishte një marrëdhënie të mirë me të shoqen.