Kryeministri pakistanez Imran Khan, është kthyer ndër kryueministrat më të komentuar pas deklaratës së tij kur tha se rrobat e grave janë fajtore për numrin në rritje të rasteve të përdhunimit në vend.
Këto komente Khan i bëri gjatë një interviste të fundit me Axios në HBO, me fragmentin në fjalë që ishte shpërndarë dhe kritikuar gjerësisht nga gazetarët dhe aktivistët.
Statistikat zyrtare tregojnë se rreth 11 incidente përdhunimi raportohen në Pakistan çdo ditë, me më shumë se 22,000 raste të raportuara në polici gjatë gjashtë viteve të fundit.
Në momentin që u pyet nga intervistuesi Jonathan Sëan nëse ai besonte apo jo se rrobat që veshin femrat ndikojnë në rastet e përdhunimit, Khan u përgjigj:
“Është normale që nëse një grua ka veshur shumë pak rroba, kjo do të ketë një ndikim te burrat, përveç nëse ata janë robotë.”
Edhe më herët, Khan habiti me deklaratën e tij pasi i këshilloi gratë të mbuloheshin për të mos tunduar përdhunuesit.