LIGJET E BIZNESIT
6 zyra të reja aplikimi për pasaporta dhe ID karta, duke e dërguar në 20 numrin e zyrave të aplikimit në të gjithë botën.
Ministria e Brendshme shqiptare ka njoftuar me anë të një njoftimi se janë hapur zyrat e reja në shtetet si: Emiratet e Bashkuara Arabe (Abu Dabi); Kinë (Pekin);
Kanada (Otava); Australi (Kanberra); Brazil (Brazilia); Rumani (Bukuresht).
“Ministria e Brendshme, në bashkëpunim me Ministrinë për Evropën dhe Punët e Jashtme dhe Koncesionarin e prodhimit të dokumenteve biometrike, do të hapë edhe zyra të reja në disa shtete të botës duke zgjeruar ndjeshëm mbulimin gjeografik të vendeve ku mund të aplikohet.
Në bazë të marrëveshjes së negociuar, fillimisht një zyrë aplikimi do të hapet në Ambasadën e Shqipërisë në Abu Dabi të Emirateve të Bashkuara.
Dy muaj pas hapjes së kësaj pike është parashikuar të hapen zyra aplikimi edhe në disa ambasada të tjera, përkatësisht në Kinë (Pekin); Kanada (Otava); Australi (Kanberra); Brazil (Brazilia) dhe Rumani (Bukuresht)”, thuhet në njoftimin e ministrisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në konsullata e ambasada funksionojnë zyra aplikimi për shtetasit shqiptarë, kryesisht në vendet e rajonit, të BE dhe SHBA.
Tanimë me hapjen e zyrave të reja, po ashtu do të rritet gjeografikisht rrezja e mbulimit të vendeve ku mund të aplikohet për dokumente biometrike, pa pasur nevojë që të ndërmerret një udhëtim për në Shqipëri.
Sipas ministrisë, ky vendim, është marrë pas një komunikimi ndërinstitucional mes ministrive të Brendshme dhe të Jashtme, në bashkëpunim me koncesionarin, më qëllim lehtësimin e shërbimeve për shtetasit tanë jashtë vendit.
