Ja si nisi sherri masiv për një vajzë në Shëngjin, vëllezërit kosovarë u përleshën me vëllezërit lezhjanë (EMRAT)

Policia ka mundur të sqarojë sherrin masiv të ndodhur në Shëngjin. Bëhet me dije se gjithçka ka nisur në plazh, ku djemtë janë zënë për nje vajzë.

Konflikti ka vijuar me përdorimin e sendeve të forta deri në rrugë, ku  të shumtë kanë qenë pushuesit që u bënë dëshmitarë të pamjeve të sherrit.

Në konflikt janë përfshirë Çlirim dhe Qëndrim Zeneli, banues në Kosovë, dhe Amarildo dhe Adriano Jushi, banues në Shëngjin.

Katër personat e lartpërmendur kanë marrë dëmtime të lehta dhe janë dërguar për mjekim në spitalin Rajonal në Lezhë.

Njoftimi i plotë

Specialistët për Krimet në Komisariatin e Policisë Lezhë proceduan penalisht për veprën penale “Dëmtime të tjera me dashje ” ,kryer në bashkëpunim, shtetasit: Ç.Z.,23 vjeç, Q.Z., 21 vjeç (vëllezër ),banues në Kosovë,  A.J., 24  vjeç dhe A.J., 24 vjeç ( vëllezër ),  banues në Shengjin.

Këta shtetas, ditën e djeshme, pas një konflikti për motive të dobëta, kanë goditur njëri-tjetrin me grushte dhe sende të forta ,ku  si pasojë kanë marrë dëmtime të lehta të katërt dhe janë dërguar në spitalin Rajonal Lezhë, për mjekim.

Materialet u referuan në Prokurorinë pranë Gjykatës së Shkallës së Parë Lezhë, për veprime të mëtejshme.