Dalin në dritë të tjera detaje nga përdhunimi që iu bë një 50-vjeçareje shqiptare në Athinë të Greqisë.
Bëhet me dije se gruaja, me profesion sanitare, ishte duke pastruar një ndërtesë, kur një person, mbi të 30-at me orgjinë bullgare, i afrohet, i mbyll gojën dhe e tërhoqi zvarrë për në apartamentin e tij.
Mediat e huaja shkruajnë se bullgari ka abuzuar seksualisht me shqiptaren për disa orë, derisa kjo e fundit, mundi të dalë në ballkon e të kërkojë ndihmë.
Shqiptarja është dërguar në spital në gjendje tepër të rëndë shëndetësore.
Ajo ishte dhunuar, ndërsa në trup kishte shenja të shumta. Një rast i tillë ka nxitur një revoltë të madhe në Greqi, ku aktivistë të shumtë, të mbrojtjes së të drejtave të grave, janë lëshuar në rrugët e qyteteve greke, duke u sensibilizuar me këtë ngjarje të rëndë.
Dyshohet se të përfshirë në këtë ngjarje të rëndë kanë qenë edhe persona të tjerë.
